Ataatsimeersuarnissami Nunat avannarliit maligassiuisuuniarlutik isumaqatigiipput
Nunarsuarmi silap kiatsikkiartornera pillugu Københavnimi decembarimi ataatsimeersuartoqalerpat nunat avannarliit sallerpaatut maligassiuisutut inissisimassapput. Nunani avannarlerni socialdemokratit, SAMAK, Finlandimi sapaatip-akunnera kingulleq ataatsimiimmata tamanna isumaqatigiissutigineqarpoq. Siumut SAMAK-imut aamma ilaasortaavoq.
Allattoq Lotte Holm
marsip 10-at 2009 07:49
Siumumi siulittaasup tullia, Doris Jakobsen, ataatsimiinnermi peqataavoq.
Partiit sulisartullu kattuffiisa CO2-mik aniatitsinertik millisassallugu isumaqatigiissutigaat. Nunat pisuut Kyotomi isumaqatigiissutaareersut akuerisimasatik najoqqutaralugit ingerlatsissapput, aamma nunat piitsut CO2-mik aniatitsinerini millisaaniarlutik tapiissuteqartassapput.
Taamaammat SAMAK-i nunani avannarlerni sulisartut kattuffiinut aamma socialdemokratit partiivinut nunarsuaq tamakkerlugu upernaaru isumaqatigiissitsiniarpoq, ajornartorsiutit oqaluusereqqinniarlugit.
