Ataatsimeersuarnerup inernera assortuussutaavoq
Silap pissusaata allanngoriartornerata pakkersimaarneqarnissaa pillugu ataatsimeersuarneq naammassiniariartorlu taama pikkunaatsigisumik inerneqarnera assortuussutaalerpoq. Tuluit Nunaanni avatangiisit pillugit ministerip, Ed Milibandip, Kina pisuutippaa, kinamiulli tamanna ilumuunngilluinnarnerarpaat.
Kinami nunanut allanut ministereqarfimmi avammut oqaaseqartartoq, Jiang Yu, oqarpoq, Milibandip pisuutitsinera nunanik siuarsarniakkanik avissaartuutitsiniarnerusoq.
Isornartorsiuinerli Tysklandimi forbundskanslerip sakkortuumik tigunngilaa.
- Københavnimi ataatsimeersuarnerup inerneri kikkut tamarmik nikassarpaat, ingerlaqqinnissaartik taarsiullugu eqqarsaatigisariaqarpaat, Merkel oqarpoq.