Korea Kujallermi ataatsimeersuarnissamut isumalluartoqarpallaarsimanngilaq, aningaasarsiornerlu pillugu politikki pillugu sapaatip-akunnerini kingullerni isumaqatigiinngittoqarujussuarnera nalunaarummi ersigunnaarsinniarneqaraluartoq, ataatsimeersuarnerup inernerata pakatsinarnera ersarippoq. Nutaarsiassaqartitsivimmi Ritzauimi tamanna allaaserineqarpoq.
"Nunarsuarmi aningaasarsiorneq suli aarlerinartoqartoq" nunat suttuisa nassuerutigaat, taamaammallu nunat suleqatigiittariaqarnerarpaat.
- Politikki ataqatigiissaarneqanngitsoq kikkunnulluunniit ajortumik kinguneqartussaavoq, nalunaarummi kingullermi allassimavoq.
Inuussutissat isumannaatsuunissaat nunarsuarmilu pisuut piitsullu imminnut ungasinnerisa annikillisinneqarnissaat, nunat G20-mut ilaasortat pisortaasa aamma pisussaaffigaat.