Ataatsimeeqataannginneq Lene Espersenimut akisuvoq

Danmarkimi nunanut allanut ministerip, Lene Espersenip, nunat Issittumut sineriallit ataatsimiinneranni peqataannginnera Konservativ Folkepartiip isumasiutitsinerani sussaanngitsumi taamaallaat atuarneqarsinnaanngilaq.
maajip 23-at 2010 17:40

Lene Espersenip kiattunut feeriarnera inuttaanut namminermut aamma malunnaateqarpoq. Aviisimi Berlingske Tidendemi tamanna allaaserineqarpoq.

Danmarkimi politikerit tatiginassusaat uuttortarneqarmat Lene Espersenip tatigineqarnera appariarujussuarsimasoq takuneqarsinnaavoq.

Qallunaat Lene Espersen tassaanerarpaat tatiginannginnerpaap tullia. Tatiginannginnerpaanerarneqartoq tassaavoq Dansk Folkepartiimeersoq Pia Kjærsgaard.

Isumasiuineq taamaattoq 2007-imi aamma pivoq, Lene Espersenilu taamanikkut tatiginarnerpaatut taagorneqarpoq.

Isumasiuititsisoq tassaavoq Københavnimi Ilinniarnertuunngorniarfik. Piviusorsiorneq, silassorissuseq, kukkussuteqarnermik nassueruteqarsinnaaneq pisunullu assigiinngitsunik takunnissinnaaneq isumasiuinermi paasiniarneqartarput.

Tatiginarnerpaatut nalilerneqartoq tassaavoq Bertel Haarder tulliulluni Margrethe Vestager.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq