Ataatassarsiuussineq sivisusaqaaq

Ataatassarsiuussinerit assigiinngitsunik peqquteqarlutik sivisusarsinnaapput. Amerlanertigut tusarniaaffigisassat takkunneq ajorput ataatassarsiukkallu aaversikkiartussanatik. Ataatassarsiuussinerit ukiut marluk angullugit sivisussuseqarsinnaapput.

- Meerartaartoqartillugu eqqartuussiviup ataatassarsiuussisussaavoq. Ataatassarsiuussineq ukiut marluk angullugit sivisussuseqarsinnaavoq, ilaannikkullugu sivisunerusarluni. Peqqutit arlaqarsinnaapput; ataataasinnaasorisat arlariissinnaasarmata, paasissutissallu tamarmik tunniunneqarsimanngeriartillugit paasiniaasariaqartaratta. Paasigaangatsigillu aggersaasarpugut. Ilaanni ujakkavut aalisartutut angalasarput, illoqarfimmulluunniit allamut nuussimallutik. Tamanna aamma sivitsorsaaqataasarpoq, ataataasinnaasummi aamma aaversittussaasarmata.

Suliarli naammassineqapallassinnaavoq anaanaasup ataataasinnaasutut pasisani nammineerluni kalerrippagu pineqartorlu eqqartuussivimmut saaffiginnippat.

Ataataajumanngitsoqartarporli. Tamakku aggersartuaraluarlugit takkunneq ajorput. Politiinilli aatinnissaannut inatsisitigut periarfissaqarpoq . taamaalilluta naammassilertorsinnaaniassagatta, Mille Søvndahl Pedersen oqarpoq.

Danmarkimi timip sannai pillugit misissuisarfimmit inuit marloriarlutik aaversittarnissaat piumasaqaataavoq. Sapaatillu-akunnera ataaseq allorlugu aaversittoqartassalluni. Danmarkimi aaversissimasut sapaatip-akunneri marluk akissutisinissaminnik utaqqisariaqarneq ajorput.