Ataatarsiaq panissaminik pinngitsaalisimasutut tigusarineqarpoq
Nutartigaq 15:46
Angut Maniitsumi niviarsiaqqamik panissiaminik inuuttumik kinguaassiuutitigut atornerluisimasutut pinngitsaaliisimasutullu pasisaalluni politiinit tigusarineqarpoq.
Allattoq Najaaraq Egede
maajip 31-at 2010 13:08
Angut 40-t sinnilaarlugit ukioqartoq tallimanngormat killisiorneqarpoq.
Niviarsiaraq panissiatut ilaqutariinni inissinnikuusaq 14-inik ukioqarpoq.
Politiit pisoq pillugu annerusumik maannakkuugallartoq oqaaseqarusunngillat, aamma Qeqqata Kommuniata inunnik isumaginnittoqarfianinngaanniit inunnut ataasiakkaanut tunngasunik oqaaseqarumanngillat.
- Sulissatta akornanni susoqariataarsinnaanera pinngitsoortissinnaanngilarput. Kisianni iliuuseqarfissaasorisatsinnik pisoqartillugu soorunami suleriaaserput nalilersortariaqartarsinnaasarparput, Maniitsumi ilaqutariinnik sullissinermut pisortaq Svend Erik Rasmussen oqarpoq.
