Ataasitortaraanni peqqinnarpoq
Imigassartornissaq Radioaviisimiit soorunami kaammattuutigerusunngikkaluarlutigu una oqaluttuarilaassavarput!
Imigassat arlaannik ullormut ataasitortaraannigooq tamanna uummatiginnarpoq. Ilisimatusarnikkut tamanna paasineqarsimavoq.
Inuit 50.000-t misiliinermi peqataasimapput, misissuinermilu aqutsisup, pruffiisorip Morten Grønbækip Inuit Peqqinnissaanut misissuivimmeersup, ilisimatitsissutigaa, ullormut ingasaannagu imigassartortaraanni peqqinnartuusoq, ilisimatusarnikkut misissuinerit nutaat takutikkaat.
Kisianni sivisuumik imigassartunngeriarluni sipaagannguit ataatsikkut soorunami imerneqassanngillat!
- Takorlooriaruk inuit marluk sapaatip-akunneranut agguaqatigiissillugu tamarmik immiaaqqanik – imaluunniimmi imigassamik aalakoornartortalimmik – 14-inik pisartut, aappaata 14-it taakku tamaasa unnuk ataaseq imertarpagit, aappaatali sapaatip-akunneranut agguataartarlugit, taava soorunami agguataarisinnaasoq peqqinnerussaaq, Morten Grønbæk oqarpoq.
