Ataasinngorpamiit bilitsisisoqarsinnaalissaaq!

Aasaru angallannissami pilersaarusiortoqarsinnaalissaaq. Ataasinngorpamiit angallannermut pilersaarut saqqummiunneqarpat billet-isisoqarsinnaalissasoq, Arctic Travel Group-ip pisortaa Søren Andersen neriorsuivoq.

-Ataasinngorpamiit Nuummi Arctic Umiaq Line-mi 2006-imi nunatta kitaani umiarsuarluni angalanissamut billet-it pisiarineqarsinnaalissapput.

Umiarsuarnik angallanneq namminersortunngorsarneqarmat sinerissami allaffeqarfiit matujortorneqarneri ilutigalugu TelePost-ip allaffiini biletsisisoqarsinnaalissaaq – timmisartorniartunullumi aamma taakkunani biletsisisoqarsinnaalissalluni.

Ukiut arlallit matuma siornali TelePost-ip ilisimareerpaa billet-inik tuniniaasarnerup allanngortinnissaa. Massakkulli illoqarfinni Nuup avataaniittuni tamani taakkunani billet-isisoqarsinnaalissaaq. Siusinnerusukkut Grønlands Rejsebureau-mik taaguuteqarsimasup, maanna Air Greenland Travel-imik taaguuteqalersup umiarsuarluni angalaniartunuttaaq biletsinik tuniniaasalernissaanik isumaqatigiissuteqarfigaarput.

Ataasinngorpamiit illoqarfinni tamani biletsisisoqartalernissaanut nalornisoortoqaqqunagu TelePost-imi sulisut tikillugit pikkorissartissavavut- taamaammat ataasinngorpamiit biletteerniarsinnaanissaat qulakkeersinnaanngikkallarparput.

Pisinnaasarpulli tamakkerlugu imaatigut silaannakkullu angallannerup pilersaarusiorneri ataasinngorpat naammassiniarpavut –

Arctic Travel Group-ip pisortaa Søren Andersen

oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat