Ataaseq inussamigut ajoqusersimavoq
Ukioq aallartilluarpoq, qummoroortaatinut tunngatillugu nuna tamakkerlugu ajutoortoqarneranik tusarliussisoqanngilaq.
Allattoq Per Andersen
Peqqinnissaqarfinni sulisut tamarluinnarmik nuna tamakkerlugu avannaani Qaanaamiit, kujataani Nanortalik tikillugu kiisalu Tunumi Tasiilami Illoqqortoormiunilu ukiutoqqap ukiortaallu akornanni unnuarsiortut eqqissimaarluinnarlutik suliffigisimavaat. Qummoroortaatinillu ajutoornernik nalaataqartoqarsimanani.
Kujataani ukiutoqqami anorersuarsimaneranit, inuit silami ukiortaarsiornissaminnut periarfissaqarsimanngillat. Taamaattumillu qummoroortartorfiusimanani.
Nukappiaraq qulit missaannik ukiulik assammigut ajoqusilaarsimasoq Maniitsumi peqqissaaviup eqqaavaa, ajoqusernerli annertusimanngitsoq oqaatigineqarluni.