A.T.A.-mi arsaattartut ataqatigiilluartut
Angutit isikkamik arsaallutik nunatsinni pissartanngorniunneranni unamminerit siulliit ippassaq naammassineqarput.
Aqagu semifinalertoqassaaq, B-67 N-85-imut unammissammat, N-48-lu pissartanngorniunnerni tupaallatsitsisunut A.T.A. Tasiilamut unammissallutik.
Angutit arsaallutik nunatsinni pissartanngorniunneranni hold-i Tunumeersoq aatsaat taama angusaqarluartigaaq.
Sulimi ajorsanngillat, pingasoriarlutik unammereernerminni 15-inik isertitaqaramik.
A.T.A.-p arsaattartutoqarsuisa ilaat, Isak Høy, oqarpoq holditut ataqatigiilluarnertik pissutigalugu angusaqarluarlutik:
- Immitsinnut uppereriaratta, sukataarsinnaallutalu, inuusuttuarartagullu akiuussinnaalluarmata, arsarluarpugut, immitsinnullu ataqqeqigatta holditut misigilluinnarpugut, Isak Høy oqarpoq.
Pissartanngussanersut aperigatsinni, ima akivoq:
- Upperivarput. Arsartartuutigut tamarmik aamma upperivaat, Isak Høy oqarpoq.
Semifinalit aqagu ualikkut tallimaninnganniit KNR-TV-kkut aallakaatinneqassapput, ullumiminngaanniillu unamminerit inissitsiternernut aalajangiisussat allat unammissutigineqassallutik.