Astrid Fleischer Rex: Hashimik atuineq misissuivigineqartariaqarpoq

Kalaallit Nunaanni innuttaasut ikiaroornartumik qanoq atuitiginerannik misissuisoqarnissaa Inatsisartut Peqqissutsimut Ataatsimiititaliaani ilaasortat amerlanerussuteqartut kajumissaarutigaat. Siumut tamatumunnga akerliuvoq.
oktobarip 29-at 2007 06:34

Peqqissutsimut Ataatsimiititaliap isumaliutissiissutaani tamanna erserpoq, ikiaroornartup haship atugaanera pillugu siunnersuutinik marlunnik ataatsimiititaliaq eqqartuisimavoq.

Demokraatineersup Astrid Fleischer Rex-ip siunnersuutigaa Kalaallit Nunaanni innuttaasut ikiaroornartumik hashimik qanoq atuitiginersut misissuivigineqassasoq, inuusuttut eqqarsaatiginerullugit ikiaroornartumik hashimik atuineq qanoq ingalassimaartinneqarsinnaaneranik paasititsissutigineqarnissaa siunnersuutigalugu, siunnersuullu tamanna Atassummit, IA-mit Demokraatinillu taperserneqarpoq.

Ikiaroornartumilli qanoq atuitiginerup misissuivigineqarnissaa Siumumit ilalernartinnneqanngilaq. Partiip Naalakkersuisut isumaqatigai, oqarluni, ikiaroornartumik hashimik atuineq eqqarsaatigalugu paasissutissat maanna naammareersut.

Sermitsialli nittartagaani allaaserinnittoqarpoq,

ikiaroornartup haship qanoq navianartiginera pillugu atuarfinni ilinniarfinnilu paasisitsiniaasoqarnissaanik IA-meersup Juliane Henningsenip siunnersuutaa Inatsisartut Peqqinnissamut Ataatsimiititaliaani partiit tamarmik isumaqatigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq