Astrid Fleischer Rex Demokraatiniit tunuarpoq
Demokraatit sinnerlugit Inatsisartuni ilaasortaq sunniuteqarluartoq Astrid Fleischer Rex ullumi ullaap tungaa nalunaarpoq partiiminit tunuarluni.
Allattoq Noah Mølgaard
februaarip 13-at 2013 08:02
Astrid Fleischer Rex partiiminit tunuarnerminut atatillugu inunnik pisuutitsiniarani partiip qullersaanut erseqqissarpaa.
- Sivisuumik manna eqqarsaatigisimavara. Qinigaaffiup iluani tunuarnissara tulluartuusorisimanngilara taamaattumik qinigaaffiup naanissaanut nalunaarnissara utaqqissimallugu, Astrid Fleischer Rex KNR.gl-mut oqarpoq.
Taamaattoq maanna kissaatiginngilaa tunuarnerminut pissutigisami itisilernisaa aammalu politikkikkut siunissani pillugu maanna oqaaseqarumanngikkallarluni.
