Assortuunneq biilinik ajutoornermik kinguneqarpoq

Nuup ilaani Qinngorpumi arfininngormat ullaakkut nalunaaqutaq arfineq pingasut qeqqata missaani biilerluni ajutoortoqarmat angutit marluk imigassartorsimallutik isumaqatigiinnginnerannik pissuteqartoq aviisi Sermitsiaq.AG nittartakkamini taama allaaserisaqarpoq.

Allattoq Jonas Fievé

juunip 10-at 2018 15:22

Nutserisoq Jaaku Lyberth

Angutip aappaa biilinut ilaaqqusaannginnini pillugu, biilit qaavanut qaqisimavoq, qaqimmallu biilertoq aallarluni.

- Biilertoq tassanngaannarluni bremserpoq, angullu biilit qaavaniittoq nunamut sakkortuumik igeriussaalluni, Nuummi politiini pigaartoq Carl Sværd, Sermitsiaq.AG-ip nittartagaanut taama oqaluttuarpoq.

AAMMA ATUARUK Imigassartorsimalluni biilersimasutut pasineqartoq

Angut ajoqusertoq, Nuummi napparsimavissuarmut Dronning Ingridip napparsimavissuanukaanneqarpoq ambulancenik, taassumalu qanoq innera Nuummi politiinit oqaluttuarineqarsinnaasimanngilaq.

Ajutoorneq pillugu politiit suli misissuipput, biilinilli aquttoq imigassartorsimalluni biilersimasutut akisussaassuseqanngitsumillu biilersimasut pasineqarnissani naatsorsuutigisinnaagaa, Nuummi politiini pigaartoq Carl Sværd Sermitsiaq.AG-mut taama oqaluttuarpoq.

Assortuunneq biilinik ajutoornermik kinguneqarpoq

Aamma atuaruk