Assit takukkit: Danmark assammik arsarnermi nunarsuarmi pissartanngortoq
Danskit assammik arsartartut Sverigemut sapaammi unnukkut unamminerminni 2019-imi pissartaanerminnik illersuipput, taamaalillutillu ukiuni marlunni pissartaaqqissinnaalerlutik.
Danmark nunat VM-imi tulleriinnik marlunnik ajugaanikut sisamarilerpaat. Rumania, Sverige Frankrigilu aamma taama pissartaanikuupput.
Danskit unammisartut Sverigemut unammersuaareerlutik Kairop timersortarfiani inoqanngitsumi unammersuaareerlutik nuannapput.
Danskinit Mikkel Hansen pissartanngorniuunnermi unammisuni naleqarnerpaatut toqqarneqarpoq. Taanna pissartanngorniutivinnermi arfineq-marlunnik isertitsivoq, anngunniunnermilu Spaniamut unamminermi aqqaneq-marlunnik isertitsilluni.
Unammineq 2,6 millioninit tv-kkut isiginnaarneqartoq, Gallupimit misissuinerup takutikkaa, DR allappoq.
Københavnimi Rådhuspladsimi nalliuttorsiortoqanngitsoq
Sapaatiummat Sverigemut unammineq Egyptenimi assammik arsarnermi isiginnaarneqarnerpaavoq.
Unammersuaarnissamut anngunniunnermi Spaniamut unammineq, kvartfinalimilu Kroatiamut unammineq tv-kkut isiginnaarneqarnerpaapput.
Danmark nunarsuarmi 2019-imi pissartanngormat tamanna Københavnimi Rådhuspladsip eqqaani nallittorsiutigineqarpoq, tassani innuttaasut tusindilikkaat ornigupput.
Ukioq mannali coronap nunarsuaq tamakkerlugu tuniluunnera pissutigalugu tamanna periarfissaanngilaq.
