Amerikamiut erfalasuat Sung Choi-imit amuneqarpoq. Assi: KNR / Malik Brøns

Assit takukkit: Amerikamiut sinniisoqarfiata erfasoq Nuummi amugaa

USA-p Nuummi sinniisoqarfittaavata matut pisortatigoortumik ammarpai.

Amerikamiut sinniisoqarfittaavata, aallaqqaasiutigalugu Issittumi Sakkutooqarfimmiittussap eqqaani ualimut ullup-qeqqarluinnartoq amuneqarnerani siallerpoq.

Amerikamiut sinniisoqarfimmi pisortaat, Sung Choi Naalakkersuisunik sinniisoqarfimmilu sulisunik nutaanik ilaqarluni Issittumi Sakkutooqarfiup isaariaatigut anillappoq.

 

Amerikamiut erfalasuat Sung Choi-imit amuneqarpoq. 

 

Issittumi Sakkutooqarfiup allaffiinit soqutiginnillutik isiginnaartoqarpoq. 

 

Amerikamiut erfalasuata amuneqarnerani Issittumi Sakkutooqarfimmit generalmajori pisortarlu, Kim Jesper Jørgensen sakkutuutut ilassinnilluni talerpiata tungaani nikorfavoq.

 

Erfalasup amuneqarnerani ersaattaattoqarpoq.

 

USA Nuummi allaffimmik siorna maajimi ammaareernikuuvoq. Amerikamiullu diplomatiat, Sung Choi taamanili Nuummi Københavnimilu aallartitaqarfimmi nikerartumik sulisarluni.

 

Sung Choi-ip Naalakkersuisunit Inatsisartunillu sinniisut ilaatigut peqatigalugit qeqqisimavoq. Partii Naleqqamit Pele Brober, Inatsisartut siulittaasuat Vivian Motzfeldt (S), Rigsombudsmandi Mikaela Engell, Siumut sinnerlugu folketingimut ilaasortaq Aki-Matilda Høegh-Dam, Nunatta Qitornaanit Aleqa Hammond, inuussutissaqarnermut aatsitassanullu Naalakkersuisoq Jens Frederik Nielsen, nunanut allanut nukissiuutinullu Naalakkersuisoq Steen Lynge, aningaasaqarnermut Naalakkersuisoq Vittus Qujaukitsoq.

 

Sung Choi-ip sinniisoqarfimmi sulisut nutaat suleqatigalugit nunatta USA-llu politikkikkut inuussutissarsiuteqarnikkullu attaveqarnikkut suleqatigiinnerat suliarisalissavaat. Uani suleqatini Pernille Kleemann aamma Poul Bloch Jensen nikorfaqatigai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat