Assi: Dorthea Reimer-Johansen

Assit: Sarfannguit igalaaminertut isikkulinnik illuaraasartaalerpoq

Illuaraasap igalaaminertut isikkullip Sarfannguit, Sisimiut eqqaani nunarsuarmiunut kingornussassanngortinneqarsimasut inoqarfittatuarisaa, soqutiginarsassavaa.

Igalaaminertut isikkulimmik illuaraasaliorniarluni isumassarsisuuvoq illussanik titartaasartoq Konstantin Ikonomidis, taassuma nammineq piumassutsiminik illuaraasaq Qeqqata Kommunia suleqatigalugu suliaraa.

- Sarfannguit alapernaaffigineqarnerulaarnissaa siunertaralugu illuaraasaliorniorluta ssatsinnut aalajangernikuuvugut, Konstantin Ikonomidis oqaluttuarpoq.

 

 

Illuaraasaq igalaanerminertut isikkulik, igalaaminerngit qummut 35-it 40-lluunniit missaanniittut qaleriiaarlugit portussuseqartussaq, Saqqarliit aamma Ikertuup tungaanut isikkivilerlugu napparneqarpoq.

AAMMA ATUARUK UNESCO-optagelse er vigtig for vores selvforståelse

Ninngusuut aserujasullu naapinnerat

Illuaraasamik igalaaminertut isikkulimmik suliaqartup suliani taama isumaqartippaa.

- Ujaqqat ninngusuut igalaamerngillu naapinnerannut tunngasut sanassallugit aalajangersimavunga. Ujaqqat ninngusuujupput pissaaneqarlutillu akerlianilli igalaamineq aserujasuulluni. Suliarinera taama aallartiffigaara, Konstantin Ikonomidis oqaluttuarpoq.

 

 

Sarfannguanullu tikilluni alutornartumik suliaqartoqartoq arajutsisassaanngilaq.

- Ukiup nikerarneranni igalaamerngit aqqutigalugit qinngorneri allanngorneri takuneqarsinnaapput. Soorlu seqinnertumi igalaamerngit akimorlugit qanoq qinngorneqalernersut. Apigaangat qanoq taarnerulertarnersut, qaammat imissigaangat  imaluunniit affaannanngoraangat allanngoraannavipput. Pinngortitami pisartut assigalugit illuaraasap qinngorneri allanngoraannavissapput, Konstantin Ikonomidis oqarpoq.

 

Konstantin Ikonomidis Sarfannguarmiumit, Kloe Andersenimit, igalaaminiusat immikkut sanatissimasami qaleriaarneranut ikiorneqarpoq. 

- Nuannerpoq aamma pisariulaarluni. Kisianni aamma pissanganarpoq, Kloe Andersen oqaluttuarpoq.

AAMMA ATUARUK UNESCO skal gøre Qeqqa lækker for turister

Sarfannguit nunarsuarmiunut kingornussassanngortinneqarsimasut ilagaat, tamanna pivoq Aasivissuit-Nipisat, Sisimiut eqqaanit Kangerlussuup eqqaanut sermersuaq tikillugu siammasitsigisoq, UNESCO-p nunarsuarmi kingornussassatut allattorsimaffianut 2018-imi ilanngunneqarmat. Sumiiffimmi tassani takussutissat itsarnitsat ullumikkumiit ukiut 2500-t kristusip inunngornera sioqqullugu piviusut nassaarineqarnikuupput.

Illuaraasaq igalaaminertut isikkulinnik sanaaq Sarfannguit kujataatungaanut Saqqarlernut aamma Ikertuumut isikkiveqarpoq. 

- Tassa ilikkariartorninni suna tamaat suliarisinnaasaa ingerlassinnanangorpara, taamaallaat taanna uuttortaaneq kisiat misilinngilara, Kloe Andersen oqaluttuarpoq.

 

Illuaraasaq, igalaaminernik immikkut sanatitanik, 35-it 40-lluunniit missaanniittunik qaleriiaarlugit portussusilerneqassaaq.

Konstantin Ikonomidis aamma Kloe Andersenip illuaraasap sapaatip akunnerata naanerani piareernissaa naatsorsuutigaat. 

- Nunaqarfimmi najugalinnut atorneqarsinnaanngorlugu ammassaaq, soorunami aamma avataaniit aamma takornariartunut. Pinngortitamut ilaaginnarpoq tamanut ammasoq, Konstantin Ikonomidis oqarpoq.

- Neriuppunga alakkallattaarneqassasoq nuannarineqarlunilu, kusanartorujussuussagami naammassiguni, Kloe Andersen oqarpoq.

Konstantin Ikonomidis svenskiuvoq illuliassanik titartaasartoq, nunatsinnilu najugaqartoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat