ASSIT Lisbeth Poulsenip Nuummi saqqummersitsineranit assit

Pappi, flamengo avittallu kalaallisuullu atorlugit kalaallit eqqumiitsuliaannik takutitsivoq.

Oqaaseq ”whiteout” isumaqarpoq, ”silami pissutsini aputit sioqqalluunniit pissutaallutik erseqqarissutsip annikillingaatsiarnera. Killingusaap ersikkunnaarnera naleqqiussaarulluni, inuk sammiveerutsillugu.” Taama oqaaseq tusagassiutinut nalunaarummi nassuiarneqarpoq.

- Suliaqartarnera atortussat nalunngisagut nutaalianngorlugit suliarinissaanut tunngavoq. Aamma uunga tunngavoq eqqumiitsuliat suusinnaanerannut takorluuinermik iperaanermik- tassa suarsuit naliginnaasut naleqalertinnissaannut.

- ”The Whiteout” tunngavingivaa saqqummersitsinerup assigiinngitsunik qimerloorneqarsinnaanera-killingusaaq tammarutsigu qanoq isiussaagut?

- Sila allanngorartuartoq nalunngilarput, ulluinnarnilu misingingajupparput ”Whiteout”-erneq, taamaattumik saqqummersitsinermi qulequtarissallugu piukkuppara, Lisbeth Poulsen oqarpoq.

Saqqummersitsineq aggustip arfineq aappaanniit 27-iata tungaanut alakkarneqarsinnaavoq.