Assit: Kinnernik milluaat nakkarpoq
Perusuersartarfiit kinnerinik milluaat Nuup ilaani Nuussuarmi sivinganikkut sisoorpoq.
Allattoq Noah Mølgaard
Biilertorpassuit pisuinnaalluni Nuummi ullumi uisaallatsinneqarput perusuersartarfiit kinnerinik milluaat Tinupattammi sivinganikkut aqquserngup sinaanut sisoormat.
- Ilimanarpoq sermeq apullu pissutaallutik kinnernik milluaat sisoorsimassasoq. Suliaqarluni uninngatilluni sisoorsimavoq sisoornermilu aquttumik biilimiittoqanngilaq, Godthåb Transport Service-miit Niels Petersen KNR.gl-mut oqarpoq.
- Qujanartumik inunnik ajoqusertoqanngilaq atortutigullu ajoqusernerit maanna misissulerpagut, Niels Petersen oqarpoq.