Assit: Issittumi sakkutooqarfik ammarneqarpoq

Issittumi sakkutooqarfiup pisortatigoortumik ammarneqarnera kulturip illorsuani Katuami ullup qeqqanu malunnartinneqarpoq tassanilu pingaarnertut najuuppoq Dronning Margrethe.

- Nuannarutigaara Grønlands Kommando ammarsinnaagakku - naagga Nuummi Issittumi sakkutooqarfik , Dronning Margrethe qungujulluni oqarpoq.

Danmarkimi sakkutuut qullersaata Peter Bartramip sakkutuutut persuarsiorneq aquppaa.

- Generalmajor Stig Østergaard Nielsen - maanna naalagaalerputit, sakkutuutut aalajangersimarpaluttumi nipeqarluni Peter Bartram Issittumi sakkutooqarfimmi naalaganngortumut Stig Østergaard Nielsenimut tunniuppaa.

Sakkutuut taamatut malunnartitsereermata Naalakkersuisut siulittaasuat Kuupik V. Kleist aamma oqaaseqatsiarpoq, taassumalu Danmarkimi naalakkersuisut kajumissaarpai issittumi sakkutooqarneq sipaarniarfigeqqunagu.