Assit: Inatsisartuni ukiakkut ataatsimiinnerup ammaanersiornera allaanerusoq
Nuummi coronamik tuniluuttoqarnera pissutigalugu politikkikkut ukiakkut ataatsimiinnerup nalinginnaasumit allaanerusumik allartippoq.
Allattoq Malik Brøns
Inatsisartuni ilaasortat ukiakkut ataatsimiinneq aallartileraangat nalinginnaasumik Hans Egedep Illuanukartaraluarput.
Nuummili coronamik tuniluuttoqarnera pissutigalugu ullaakkorsioqatigiinnissaq taamaatiinnarpaat, taarsiullugulu Inatsisartut ataatsimiittarfiata eqqaani katersuupput Annaassisittalu Oqaluffianukarlutik.
Tassani nalinginnaasumik naalagiartoqarpoq - tamatumuunalu biskoppi nutaaq, Paneeraq Siegstad Munk naalagiartitsisuulluni.
Naalagiarnerup kingorna Inatsisartunukarput ukiakkullu ataatsimiinneq aallartilluni.