Assit: Dronningi Nuummut tikippoq

Dronning Margrethe malittaalu Nuup mittarfianut nalunaaqutaq aqqaneq qaangeraa ullumi tikippoq. Kunngikkormiunik nuannarisalippassuit Nuup mittarfianut ataqqinartorsuarmik tikilluaqqusiartorput. Assit takukkit.
Allattoq Noah Mølgaard
oktobarip 30-at 2012 10:03

Issittumi sakkutooqarfiup ammarnissaanut atatillugu Dronning Margrethe Nuummut tikeraarpoq.

Nuummi bussit ullumikkut erfalasulerneqarsimapput nalunaarniarlugu nuimasunik tikittoqarnera.

Illersornissamut ministeri Nick Hækkerup aamma sakkutuut qullersaat Peter Bartram timmisartumut allamut ilaallutik tikipput. Taakkuttaaq issittumi sakkutooqarfiup ammarneqarnissaanut peqataajartorput.

Dronningi ingerlaannaq umiarsuarmut nakkutilliissummut Hvidbjørnimut inissikkiartorpoq tikeraat allat Hotel Hans Egedemut inissittut.

Issittumi sakkutooqarfiup pisortatigoortumik ammaanersiorneqarnera Nuummi Kultoorikkut illorsuarmi Katuami pisussap persuarsiutigineqarnissaata saniatigut Dronningerput eqqissisimanarnerulaanik sammisaqarniarpoq, ilaatigullu sakkutuut umiarsuaq alapernaarsuutaani Hvidbjørnen-imi ulloqeqqasioqataariarluni unnukkut nerersuaqatigiinnermi peqataassaaq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk