Assit: Amerikamiut canadamiullu umiarsuaat nunatsinni sungiusartut

Sungiusarneq Nanookimik taaguuteqarpoq, taannalu Issittumi Sakkutooqarfiup suleqatigineratigut ingerlanneqarluni.
US Coast Guardimit sakkutuut umiarsuaat. Assi © : Andreas Wille, KNR
Inuttat anersaartuutinut illersuuteqarlutillu aaqqateqarput. Assi © : Andreas Wille, KNR
Umiarsuit Issittumi Sakkutooqarfiup ungasinngisaani taleqqapput. Assi © : Andreas Wille, KNR
Inuttat nioqqusaanngillat. Assi © : Andreas Wille, KNR
Eqqagassat umiarsuarmit umiarsualivimmi containerimukaanneqarput. Assi © : Andreas Wille, KNR
Allattoq Nutaarsiassaqartitsivik / Nyhedsredaktionen
aggustip 13-at 2020 14:34

Canadamit, USA-mit Frankrigiimiillu umiarsuit qulimiguullillu maanna Nuummiipput.

Taakku sakkutuut imarsiortut sungiusarneranni Issittumi Sakkutooqarfiup umiarsuarmik apernaarsuummik, Tritonimik ilaatitsillutik suleqataanerannut ilaapput. Sungiusarneq Nanookimik taaguuteqarpoq, Canadamiillu ingerlanneqarluni, Issittumi Sakkutooqarfik paasissutissiivoq.

Sungiusarneq ukiut tamaasa ingerlanneqartarpoq, Issittumilu Sakkutooqarfik siusinnerusukkut aamma peqataareernikuuvoq.

Sakkutuut imarsiortut umiarsuaat tallimanngornermi ullaakkut avannamut aallaqqissapput, sungiusarnertillu polarkredsip avannaani Sisimiut kujataa-kippasissuani nangeqqissallugu, amerikamiut officeriat oqarpoq.

Sungiusarnermi issittumi angalanermi misilittakkanik avitseqatigiinnissaq siunertaavoq, tamannarpiarllu pissutigalugu umiarsuit Nuup Kangerluatigut ullumi angalapput.

Issittumi Sakkutooqarfiup oqarnera naapertorlugu nunami allamiut umiarsuaanni ilaasut arlaannaalluunniit coronap aarlerinarnera pissutigalugu Nuummut nioqqusaanngilaq. Umiarsuilli ilaat pilersuinissaq pissutigalugu talikkumaarput. 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk