Assiliartalinnik inuulluaqqussutit periarfissaalissapput

2005-mi juullimut allakkat postkortit kalaallit telefoniinit angallattakkanit unammillerneqarujussuarsinnaapput GSM aamma Tusass aqqutigalugit assiliartalinnik juullimut inuulluaqqusineq ajornarunnaassammat.

Aamma GSM-imit nalinginnaasumit pingasoriaammik sisamariaammilluunniit sukkanerusumik nassiussineq nassiussarsinerlu ajornarunnaarsimassapput.

MMS nassiussissutigalugulu nassiussarsiffigineq ajornarunnaassaaq nipillu assigiinngitsut ataatsikkut atorneqarsinnaassallutik. MMS allakkanik, assilissanik nipimillu imaqassaaq SMS-isimillu nalinginnaasumit kinaassuseqarnerussalluni, polyfonisk nipiginneroqalunilu nuanneqisumik misigiffiusinnaammat.

Mobilikkut taama nutaamik periarfissiisoqartinnagu TelePostip siulersuisuisa niuernermut tunngasut misissoqqaassavaat kingornalu akit atugassartitaasullu siunnersuuteqarfigissallugit, tamatumalu kingorna Naalakkersuisut isummertinniarneqassapput akuersitinniarneqassallutillu.