Assilialiat pinnersaatillu saqqummersinneqarput

Eqqumiitsulioriaatsit assigiinngitsut, eqqumiitsuliortunit marlunnit suliarineqarsimasut, Katuami aasaq manna takuneqarsinnaassapput. Eqqumiitsuliortut tassaapput assilialiortartoq, Ivalo Abelsen aamma kuultinik sølvinillu suliaqartartoq, Hanne Bruun.
Allattoq Apollo Jeremiassen
juunip 27-at 2011 12:20

Eqqumiitsuliortut taakku tamarmik Nunatsinnut attuumassuteqarput, aamma eqqumiitsuliaat issittup slarsuaanit aallaaveqarput.

Ivalo Abelsen assilialiornermik ilinniartitsisutut ilinniarsimasuuvoq aamma cand. mag.-iulluni. Nuup Eqqumiitsuliornermik atuarfiani qaaqqusatut ilinniartitsisuusarpoq ulluinnarnilu Nuummi GU-mi assilialiornermi ilinniartitsisuulluni.

Hanne Bruun fysioterapeutitut ilinniarsimasuuvoq aammalu Hollandimi Amsterdamimi ilusilersuisutut ilinniarsimasuulluni, maannalu Amsterdamimi najugaqarluni. Ukiuni kingullerni 15-ini taanna Nunatsinniissimanngilaq, taamaakkaluartoq eqqumiitsuliani Nunatsinnut tunngassuteqarluinnartuusut ilisarisimaneqaatigaligit.

Eqqumiitsuliat juunip 30-anit aggustip aallaqqaataata tungaanut takuneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq