Assigiimmik akeqartitsineq aappaagu atorunnaassaaq

Isumaqatigiissuteqarnissap oqaluuserineqarnerani Unammilleqatigiinnissamut Nakkutilliisoqarfik Namminersorlutik Oqartussanut piumasaqaateqarsimavoq uuliamik tuniniaanermi akit assigiittussaatitaanerannik aalajangersagaqarneq  "maksimalpris"-inik taaneqartartumik taarserneqassasoq, tassa akit qaffasinnerpaaffilerneqarnissaat. Polar Oil, KNI-mit pigineqartoq, tusagassiuutinut nalunaarummi taama allappoq.

Tamatuma malitsigisaanik uuliaarniat ataasiakkaat akit qaffasinnerpaaffissaaninngarnit appasinnerusumik akeqartitsisinnaalissapput.

Namminersorlutik Oqartussat tamanna akuersaarsimavaat, akillu assigiittussaatitaanerat 2012 tamakkerlugu atuutiinnarallassaaq, aappaaguli januaarip aallaqqaataa aallarnerfigalugu akit assigiittussaatitaanerat atorunnaassalluni.

KNI A/S-ip uuliaarnianut tamanut isumaqatigiissutini tamanna tunngavigalugu atorunnaarsippai. Aappaagu pissutsit atuutilersussat isumaqatigiissutini nutaani allaasimalersussat piareersarnissai matumani siunertaavoq.