Assartuussinermi isumalioqatigiissitami ilaasortassat toqqarneqarput
Assartuussineq pillugu isumalioqatigiinni ilaasortat tallimaassapput tassaasunik: Christen Sørensen, Syddansk Universitetimi ilisimatooq, taanna isumalioqatigiissitami siulittaasuussaaq.
Vagn Andersen, ilaatigut takornariartitsinermik silaannakkullu angallannermik misilittagaqarluartoq, Inuplanimi pisortaq Kristian Lennert, ingeniøri Nick Nielsen aamma KANUKOKA-mi pisortap tullia Karl Davidsen.
- Assartuussinermi tamarmiusumi pissusiviusunik misissuinissami aamma Kalaallit Nunaata suliassaqarfimmi pineqartumi erseqqissumik anguniagaqalernissaanut piffissanngorpoq, Ineqarnermut, Attaveqarnermut Angallanermullu Naalakkersuisoq Jens B. Frederiksen oqarpoq.
Assartuussineq pillugu Isumalioqatigiissitap suliani 2010-mi aasakkut naammassereersimassavaa. Assartuuseriaaseq ingerlalluartoq aningaasaqarnikkut ineriartortitsinissamut eqqortunik atuagassiinissamut pingaaruteqartorujussuuvoq. Taamaattumik Assartuussisarneq pillugu isumalioqatigiissitap suliassaa namminersornerup tangilimmik atuutsinnissaanut pingaaruteqarluinnarpoq, Jens B. Frederiksen oqarpoq.