Assi: Helle Nørrelund Sørensen/KNR

Assartuussineq pillugu isumalioqatigiissitap siulittaasorisimasaa Folketingimut qinigassanngortittoq

Nunatsinni Assartuussineq pillugu isumalioqatigiissitap siulittaasorisimasaa, Christen Sørensen, politikkimik suliaqalerluni Socialdemokratit sinnerlugit Folketingimut qinigassanngortippoq.

Christen Sørensen Danmarkimi Syddansk Universitetimi aningaasaqarneq pillugu professoritut siorna suliunnaarpoq, ilaatigullu aamma aningaasaqarnermut siunnersuisoqatigiinni siulittaasuusimavoq, Københavns Fondsbørsip siulersuisuini siulittaasuulluni, Inatsisilerituut Aningaasaqarnermillu ilisimasallit Soraarnerussutisiaqalernissamut aningaasaateqarfiani siulittaasuulluni Danmarkimilu Aningaasaqarnermut Siunnersuisoqatigiinni ukiunilu 18-ini aamma ilaasortaasimalluni.

Christen Sørensen Nunatsinni Assartuussineq pillugu Isumaqalioqatigiissitaq, Kuupik Kleistip naalakkersuisunut siulittaasuunerata nalaani pilersinneqartoq 2009-mit 2011-mut siuttuuffigaa, ilaatigullu Qaqortumi mittarfiliornissamik aammalu Ilulissat mittarfiata tallilerneqarnissaanik siunnersuuteqarluni.

Siunnersuutit taakku, naalakkersuisut siuliisa maannalu naalakkersuisuusut ullumikkut sulissutigisaat.

Christen Sørensen juunip 18-iani Folketingimut qinersinissamut qinersivimmi Aarhus Nordimi qinigassanngortippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat