Assartuummi inuttat perlilerlutillu qiiaqaat
Torshavnip eqqaani Nolsøy-ip kangerluani russit umiarsuaataat assartuut Alexa kisaqqavoq. Inuttai perliliivipput qiulerlutillu.
Taamaammat nerisassarpassuarnik pisariaqartitanillu allanik ulluni makkunani tunineqartarsimapput.
Umiarsuaateqarfik Alexa-mik piginnittoq akiliisinnaajunnaaqqammat, inuttat akissarsisinneqarsinnaasimanatillu nerisassassaqartinneqarsinnaasimanngillat.
Savalimmiuni ikiuiniaqatigiiffik ”Hjælpen” russit umiartortartui ikiorniarlugit maanna katersisitsisimavoq.
Umiarsuaq assartuut Alexa, qaammatini arlalinni Nolsøy-ip kangerluani kisaqqasimalereerpoq, inuttai angerlarnissaminnut akissaqarsimanngimmata.
Umiarsuarmi inuttat pisariaqartitatik namminneerlutik umiatsiaaqqamik aasarpaat. Savalimmiuni aviisi Dimmalætting nutaarsiassaqartitsivimmut Ritzauimut taama allappoq.
