Qarasaasiat atorlugit avataanit marserniat Asssangemit nammineq ikiorneqarsimasut oqaatigineqarpoq, WikiLeaksip ingerlaannarnissaa pillugu Assange ilitsersuisimasoq oqaatigineqarluni, paasissutissallu Assangemut aamma apuunneqartarnissaat sulissutigisimallugu.Assi: Antonio Marín Segovia/Flickr Creative Commons

Ecuadors præsident: Assange hackerinit alakkarneqakulavoq

Paasissutissanik siammarterisartut WikiLeaksimeersut aallarniisuat Julian Assange, Ecuadorip Londonimi aallartitaqarfiani najugaqartilluni qarasaasiat atorlugit Assangep qarasaasiaanut avataanit isersimapput.

Ecuadorip præsidentia Lenin Moreno taama ilisimatitsivoq.

Qarasaasiat atorlugit avataanit marserniat Asssangemit nammineq ikiorneqarsimasut oqaatigineqarpoq, WikiLeaksip ingerlaannarnissaa pillugu Assange ilitsersuisimasoq oqaatigineqarluni, paasissutissallu Assangemut aamma apuunneqartarnissaat sulissutigisimallugu.

Ola Bini, Sverigemeersoq, qarasaasianullu programmiliortoq, Julian Assangemut qasseerpassuariarluni pulaartarsimasoq Ecuadorip præsidentiata oqaatigaa.

AAMMA ATUARUK Assangep pinngitsaaliisimasutut unnerluutigineqarneranut suliat ammarneqaqqittut

Ola Bini, Londonimut ikinnerpaamik aqqaneq-marloriarluni angalasimavoq Assange tassani pulaartarsimallugu. Ecuadorip nunamut namminermut ministereqarfia taama ilisimatitsivoq.

Ola Bini, Ecuadorip illoqarfiisa pingaarnersaanni Quitomi najugaqarpoq. Assange qimaasutut Ecuadorimit nunassitsinneqaraluarpoq, Assangelli Ecuadorimit tikilluaqqusaajunnaarnera nalunaarutigineqammereersorlu, Bini politiinit apriilip ulluisa aqqarnanni tigummigallagaalerpoq.

Ola Bini, Ecuadorimi naalakkersuisut oqarasuaataannut angallattakkanut qarasaasiaq atorlugu isersimasutut pasineqarpoq, Ecuadorimilu innuttaasunut allanut aamma taamaaliorsimasutut pasineqarluni.

AAMMA ATUARUK Julian Assange er anholdt af britisk politi

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat