Assammik arsartartut pissartanngorniunnissamut piareerput
![](/sites/default/files/styles/image_934x467/public/article_images/foto_3.jpg?itok=GH-VPsCH)
Taakkuli pingaaruteqanngillat, Kalaallit Nunaammi unamminerni sisamani tamani ajugaasuusoq anngunniunnermi ajugaareermat.
Panamerikamiut pissartanngorniunnissaannut annguttut tassaapput Kalaallit Nunaat, Cuba, USA aamma Mexico. Pissartanngorniunnerillu Uruguayimi Montevideomi juunip 22-ianit 29-inut ingerlanneqassapput.
Nunat taakku sisamat saniatigut aamma Guatamala Uruguayilu anngutereerput, nunanullu peqataasussat sinneri sisamat Chilemi sapaatit-akunneri marluk qaangiuppata anngunniuttoqarnerani nassaarineqartussaassapput.
Panamerikamiut pissartanngorniunnerini unammisartoqatigiit pitsaanerit pingasut nunarsuarmi pissartanngorniunnissamut Qatarimi januaarimi 2015-imi pisussamut anngutissapput.
Unamminerit kingulliit naammassineqarmata ujaminnatsitsisoqarpoq, tasaani lu Kalaallit Nunaata assammik arsartartui kuultimik ujaminnatsinneqarput, pokaalinnatsinneqarlutik kiisalu isiginnaartartunit nersorniarneqarlutik.