Assammik arsartartut nutaamik sungiusaasortaarput

Sungiusaasunngorpoq, Niels Møller Sjællandip avanaanni assammik arsartartut Nordsjælland Håndboldini sungiussaasumut ikiorti.

Angutit assammik arsartartunut sungiusaasuunermini Nordsjælland Håndboldimi sungiusaasuunini Niels Møllerip ingerlatinnassavaa.

Niels Møller sisamanngorpat nunatsinnukarpat, sungiusaasutut ilisaritineqassaaq, Grønlands Håndbold Forbundimeersoq Johh Jakobsen oqarpoq.

Niels Møller assammik arsartartuuneq pillugu misilittagaqarluarpoq.

Helsingørip Helsingep Norgep Østrigigillu  assammik arsartartuinut sungiusaasuusimavoq, nunanullu allannut unamminernut 49-inut sungiusaasuusimalluni.

Nunatsinni angutit  assammik arsartartuinut sungiusaasuunermut isumaqatigissut 2013-p tungaanut atuutissaaq, tassani siunertaalluni kalaallit nunanut allanut unammisartuisa VM-imut anngunnissaat anguniarneqarluni.

Niels Møllerip suleqatigissavaa, nunanut allanut unammisartoq Jakob Larsen, siornatigut GOG-imi arsartartoq, maannammut Faaborg-imi sungiusaasuusoq.