Assammik Arsartartut Kattuffiat nutaamik siulittaasoqalersoq
Kalaallit Nunaanni Assammik Arsartartut Kattuffianni Jørgen Isak Olsen sapaammi ataatsimeersuartoqareersorlu siulittaasutut toqqarneqarpoq.
Kalaallit Nunaanni Assammik Arsartartut Kattuffiat sapaammi ataatsimeersuartitsisoq tusagassiuutinut taama nalunaaruteqarpoq.
Siulittaasunngortup Jørgen Isak Olsenip Nuummeersup, Nuka Ole Berthelsen Maniitsumeersoq 2013-imiilli siulitaasuusimasoq taaserpaa.
Nuka Ole Berthelsen siulittaasutut unittussanngormat kimit taarserneqassanersoq ilisimatitsissutigineqanngilaq.
Sermitsiaq.AG naapertorlugu tallimanngormat kingullermik nalunaarfissanngormat nalunaartoqarsimanngilaq.
Kisianni tassa Kalaallit Nunaanni Assammik Arsartartut Kattuffianni, Jørgen Isak Olsen siulittaasunngorpoq,
qularnanngitsumillu Pan Amerikami pissartanngorniunnissat Nuummi 2018-imi ingerlanneqartussanngorpata pilersaarusioqataasussanngussalluni.
