Assammik arsarnermik atuarfiit aasamut
Meeqqat inuusuttullu Qaqortumi, Nuummi Ilulissanilu najugallit assammik arsarnermik atuarfinni aasamut sungiusarsinnaanngorput.
Allattoq Jaaku Lyberth
marsip 18-at 2010 08:03
Kalaallit Nunaanni Assammik Arsartartut Kattuffiat aamma Paarisa suleqatigiinnissamik isumaqatigiissummik ullumi atsioqatigiissuteqassapput.
Assammik arsarnermik atuarfik pillugu isumaqatigiissut meeqqanut qulingiluat 15-illu akornanni ukiulinnut neqeroorutigineqartoq, ukiunut marlunnut atuutissaaq,
illoqarfinnilu allani pingasuni aappagu neqeroorutigineqassalluni.
