Assammik arsarneq: VM-imut anngunnissaq suli ajornarnerulerpoq

Kalaallit assammik arsartartut ippassaq ajorsaqqipput Argentinamut unamminerminni. Unamminerullu aappaani Chile ajugaaqqikkami semifinalemut qanilleriaqqippoq.

Argentinamiut kalaallinut 24-18-mik marlunngornermi unnukkut ajugaapput amerikap nunavittaani assammik arsarluni pissartanngorniunnerni. Taamaasilluni VM-imut anngunniarneq ajornakusoortorujussuanngorpoq, tamanna naqissuserneqarporlusooq Chile Venezuelamut ajugaammat taamalu maanan gruppemi tullersortaagallarluni.

Kalaallit unamminermi akiuulluaraluaqaat naggataatigulli paasiinnartariaqarlugu imminerminniit pikkorinnerit unammillugit. Argentina 24-18-mik ajugaavoq muminnermi 10-8-mik siuaqqareerluni.

Chile upernaap ingerlanerani OL-imut anngunniunnermi Islandimut Kroatiamullu unammereersoq nunani tamalaani unammisarnerni misilittakkaminik atorluaavoq. Taakku ippassaq Venezuela 34-25-mik ajugaaffigaat taamalu gruppemi tullersortaagallarlutik taannalu attatiinnarsinnaagunikku semifinalemut anngutissapput tassanilu tassa VM-mut toqqaannartumik anngunniunnissaq angusinnaallugu.

Kalaallit tullianik aqagu unammissapput tassani USA unammissallugu.

Kalaallit isertitsisui tassaapput:
Miki Dahl Høegh 7
Miki Heilmann 6
Angutimmarik Kreutzmann
Akutannaq Kreutzmann
Andreas Lorentzen

Angusat:
Gruppe B:
Brasilien - Paraguay 39-11
Uruguay - Mexico 26-13

Gruppe A:
Chile - Venezuela 34-25
Argentina - Grønland 24-18

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat