- Isertitsisuulluni nuannertuaannarpoq, Lykke Frank Hansen oqarpoq.Assi: Knud Flemming Larsen

Assammik arsarneq: Lykke Europa Leaguemi arsarluartoq

Lykke Frank Hansen kalaallini arnani siullersaalluni klubbikkaartumik Europami unammersuarnermi unammeqataavoq.

Nunatsinni arsammik arsarnermi oqaluttuarisaanermut ilannguttumik ippassaq pisoqarpoq.

Tassanimi Lykke Frank Hansen Nuummeersoq  kalaallini arnani siullersaalluni Europa Leaguemi unammeqataavoq klubbini Nykøbing Falster Håndbold unammeqatigigamiuk.

Paris 92-mulli unamminermi peqataaginnanngilaq. Talerpia sakkortoqisoq ataasiarluni isertitsissutigineqarpoq.

- Isertitsilluni nuannertuaannarpoq. Kisianni kikkut unamminerlugit eqqarsaatigivallaanngilara iligiittut arsarnerput eqqarsaatigineruakku, Lykke Frank Hansen oqarpoq.

Nykøbing Falster Håndbold Paris 92-mut maanna aappassaa ajorsarpoq taamalu unammersuarnermi European Leaguemi ingerlaqqittussaajunnaarluni.

Pokalinnanniunnermi final 4

Taamaattoq Lykke Frank Hansenimut misigisaq pikkunarpoq kalaallini arnani siullersaalluni klubbikkaarumik Europami unammeqataagami.

- Assut kalaalersaallunga kakkalluartunut Parisimut unamminermi peqataasinnaagama, Lykke Frank Hansen oqarpoq.

Europamili klubbinut allanut ukioq unammiffiusoq maanna unammeqqissanngillat. European Leaguemi ingerlaqqinnissamut anngunniulluni Paris 92 unammineqarpoq. Unamminermi siullermi novemberip 15-at Nykøbing Falster Håndbold Parisimut 16-28-mik arsarpoq sapaammilu unammeqqinnerminni 26-28-mik ajorsarlutik.

Nykøbing Falster Håndbold januarip aappaat unammeqqissaaq. Maanna arnat Danmarkimi EM-qarnissaat pissutigalugu arnat håndboldligami unamminerat unikkallarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat