Assammik arsarneq: Aajuku arnat nunanut allanut unammisartuinut toqqarallakkat

Arnat assammik arsartartut nunanut allanut unammisartuinut 22-it toqqarallarneqarput taakkulu augustimi VM-mut annguteriartussaapput
Assammik arsarnermi unammisaqattaartoqaqqilerpoq. Arnat nunanut allanut allanut unammisartut augustimi VM-mut anngunniutissapput
Allattoq Noah Mølgaard
maajip 05-at 2021 10:37

Toqqarallakkat akornanniit arfinillit peerneqassapput augustimi VM-mut anngunniuttoqalerpat nunat amerikap avannaamiut Caribiamiullu VM-mi inissaq ataaseq unammissutigilerpassuk decemberimi Spaniami VM-qarnissaanut.

Maanna toqqarallakkat 22-usut 16-nut ikilisinneqartussaapput.

- Sungiusaasuuninni toqqarallakkat immaqa aatsaat taama sakkortutigisut toqqarpakka, nuna tamakkerlugu assammik arsarnermi sungiusaasoq Johannes Groth KNR-mut oqarpoq.

Toqqarallakkat:
1. Nivi Fly - GSS 
2. Aviaaja Heilmann - GSS
3. Rina Lorentzen - NûK
4. Aviana Kajangmat - NûK
5. Sascha Zeeb - NûK
6. Andrea Andreassen - GSS
7. Ivalu Bjerge - Holsterbro
8. Christina V lange - NûK
9. Lykke Frank Hansen - Nykøbing Falster H.
10. Najaaja A. Lyberth - GSS 
11. Kathrine Mikkelsen - Silkeborg-Voel KFUM
12. Ajaaja Silasen - SAK 
13. Josephine Gadgaard - GSS
14. Gerdaaraq I. Geisler - N-48
15. Naasu Tremel - Lyngby HK
16. Panu P. Grønvold - GSS
17. Pilunnguaq R. Wille - NûK
18. Nuunu M Lukassen - N-48
19. Anja Heilmann - GSS
20. Ivaana Holm - GSS
21. Ivana Meincke - N-48
22. Sandra Rothberg - Nykøbing Falster H.
Ajoquseqqagallartut:
Mia Egede Rasmussen, Qaqortoq
Ane Sofiannguaq Frederiksen, GSS

Taanna 2016-miit nuna tamakkerlugu sungiusaasuuvoq.

Nunarsuaq tamakkerlugu timersornermut corona eqquivoq nappaalanersuup 2020-p aallartilaarneraniit tuniluunnerani.

Siorna aamma assammik arsarnermi GM taamaatiinnarneqarpoq arnallu nunanut allanut unammisartut Danmarkimut sungiusariaqatigiinnissaat taamaatiinnarneqarluni.

Marluk ajoquseqqapput 

GM-mi unammineq kingulliugallartoq apriilip arfineq aappaat 2019-mi pereersoq ukiormanna GM aallartillugu dommerit ataasinngorneq apriilip 26-at siggarput.

- Assut pissanngatigisimavara unamminissat taamaatiinnartut arsartunut qanoq sunniuteqarsimanersut. Takusinnaasakkali malillugit piareersarluarsimapput, Johannes Groth oqarpoq.

Unammisartut 16-sut toqqalerunigit maluginiassavai timikkut sungiusarsimassusaat aammalu iligiinni allanik arsaqateqarsinnaassusaat.

- Flere spillere har også en ambition om at være med på landsholdet og var derfor godt forberedte til GM, siger Johannes Groth.

- Arsartut arlallit aamma nunanut allanut unammisartuunissamik anguniagaqarput taamaattumillu piareersarluarsimallutik, Johannes Groth oqarpoq.

Suli allat toqqarallakkanut ilanngussinnaanerannut periarfissaqartitsivoq. Nunanut allanut unammisartut sukalanersaasa ilaat Mia Egede Rasmussen maanna ajoquseqqagallarpoq piareeqqinniarlunilu illoqarfigilikkamini Qaqortumi sungiusaleruttorluni. Taamatuttaaq siunissamut neriunaateqarluartoq Ane Sofiannguaq Frederiksen GSS Nuummeersoq taamatut inissisimavoq.

Maanna tassa augustimi USA-mut aallarnissap tungaanut toqqakkat tamaviaarlutik sungiusassapput.