Assammik arsarluni sungiusartoqarpoq

Nuummi meeqqat aasaanerani assammik arsarluni ilinniartinneqarnerat Nuup Kommuneanit angajoqqaanillu namminneq kajumittunit ingerlanneqarpoq. Angajoqqaat ilaat kajumissutsiminnik ikiuuttoq Elisabeth Ville, gulerod-inik qalipaajaaqisoq iipilinillu agguisoq ikiuunnini ima oqaluttuaraa.

- Danmarkimit nooqqammerpugut, ernera aamma nuulluarniassammat timersortarfimmiillunilu nuannernermik isigiinnarsinnaannginnakkillu ikiuuppunga. Nuannertorujussuuvoq.

Meeqqat iipilinik, gulerod-inik, banaaninik seqquluttunillu naatitanillu allanik kiilorpassuarnik ullormut nerisaqartarput.

Meeqqat aasaanerani sungiusaqataasut illoqarfinni allaneersortaqarput. Paamiuninngaanneersoq, Kuluk B Lorentzen, sungiusaqataanini ima oqaluttuaraa:

- Juunip 12-anili tikippunga, assammik arsarneq nuannarigakku ilaavunga. Ilaatigut qaangeraaneq ilikkarpara.

- Nuannarigakku sungiusaqataavunga, Jakob Larsen sungiusaasoralugu. Qaangeraasinnaaneq målmandinillu ilinniartitsineq ilikkarpakka. Sungiusaqataasoq Erik Berthelsen oqarpoq.

Nuummi assammik arsarluni aasaanerani sungiusaanermi meeqqat 8-niit 12-inut ukiullit katillugit 39-t peqataapput.