Assammik arsarluni nunatsinni pissartanngorniunnerit pissanganarsipput
Arnani pissartanngorniutivinnermut annguttussatut ilimagineqartut holdit pingasuupput. Tassalu NÛK GSS-ilu Nuummeersut aamma SAK Sisimiuneersoq. Semifinalimut anngunniuttussat kingulliit tassaapput N-48 aamma I-69, tamarmik Ilulissaneersut.
Angutini SAK, Nuummiut GSS aamma NÛK qaangerlugit maannakkorpiaq siuttuuvoq. Tassanilu N-48 Ilulissaneersoq pissartanngorniutivinnermut arfininngorpat pisussamut annguttussatut isikkoqarluni
KNR-Radiop, Sisimiut Tusaataat suleqatigalugu, unamminerit toqqaannartumik ullumi aallakaatissavai, angutini Kaassassuk Nallunnguarlu nalunaaqutaq sisamanut unammissapput, unnugulu nalunaaqutaq 19.15 arnani NÛK aamma SAK unammissallutik.