Assammik arsarluni nunatsinni pissartanngorniunnerit naammassiartulerput
Siorna pissartanngortut GSS, aamma N48 ajugaaniutivinnermut anngunniuttoqarnissaa sioqqullugu marluullutik tamakkiisumik pointeqarput.
Arnani aamma timersoqatigiiffiit taakku sisamaapput, GSS, Nûk, N-48 SAK-lu, taakkulu sapaatiuppat ajugaaniutivinissamut aamma anngunniuttussanngorput.
Sapaatip-akunnerata ingerlanerani unamminerit pissanganartut naligiittullu ingerlanneqarsimapput, ilaatigut arnani siorna pissartaasut GSS-ip Nûk-lu unammigamik 19-19-imik naligiiginnarsimallutik
Angutinilu N48 pingaarutilimmik ajugaavoq, Nûllu unammigamik 21-20-mik ajugaagami.
Ajugaaniutivinnissamut anngunniunnissamut ingerlaqqinngitsoortuni, Qaanaarmiut angutitaat unammilluataavissut siullerpaamik ajugaapput, Norsaq FC Aasianneersoq 33-28-mik ajugaaffigigamikku.
Ajugaaniutivinnissanut anngunniunnerit ajugaaniutivinnerillu sapaatip-akunnerata naanerani pisussaapput taakku tamaasa KNR-ikkut isiginnaarneqarsinnaassallutik.