Assammik arsarluni nunatsinni pissartanngorniunnerit aallartilluarput
Tallimanngormat unammeqqaartoqarpoq, arfininngorpallu ajugaaniutivilluni unammisoqarnissaata tungaanut ullut tamaasa unammivataartoqartassaaq. Nunatsinni assammik arsartartut inuusuttut Inussivimmi Nuummi unammisaqattaarput. U-16-t nukappiarartaat niviarsiarartaallu U-19-illu nukappiarartaat pissartanngorniuupput.
Allattoq Peter Troelsen, Simon Uldum
marsip 25-at 2013 07:28
U-16-t unnugu ilanngullugu aallarniutaasumik unammisaqattaarput, mellemrunde aallartittussanngussavaat. U-19-t nukappiartaanni pulje ataasiinnaavoq, tassanilu unamminerit tallimanngorpat tungaanut ingerlanneqassapput. Arfininngorpat immikkoortuni pingasuusuni medaliannanniunnerit ingerlanneqassapput.
Unamminissanut pilersaarut sapaalu ilanngullugu unamminerit inerneri allaaserisap ataani atuarsinnaavatit.
