Assammik-arsaattut KNR 2-kkut aallakaatinneqassapput

Arnat assammik-arsaallutik nunarsuarmi pissartanngorniunnerat Serbiami sapaatit-akunnerata naanerani aallartissaaq, KNR-illu Danmarkjip unammineri tamaasa toqqaannatumik aallakaatissavai.
decembarip 05-at 2013 12:05

Danmarkip puljeqatai tassaapput Brasilia, Serbia, Japan, Kina Algerialu. Ottendedelsfinalimut annguttussaarpasipput, Danmarkillu Gruppe A-meersut naapissavai,  Montenegrolu, Holland, Korea Frankrigilu puljemut aallarniutaasumut ingerlaqqittussatut ilimagineqarput.

Danmark unammeqqaarnermini Kinamut unammissaaq sapaatiuppat decembarip 7-iani nal. 16.15. Tullianilu unammisavaat Japan, unammineq taanna aamma nal. nal. 16.15 aallartissaaq sapaammi decembarip 8-ni.

Unamminerni tullerni pingasuni unammisassat tassaapput Algeria, Serbia Brasilialu, taakkulu decembarip 10-iani, 11-iani 13-ianilu ingerlanneqassapput. unamminerit taakku tamarmik nal. 16.15 aallartittassapput.

Danmark, naatsorsuutigineqareersutut pissartanngorniutivinnermut anngutissappat, unamminerit taakku aamma KNR 2-kkut aallakaatinneqarumaarput, nittartakkamilu maani unamminerit taakku pillugit paasissutissiisarumaarput, Danmarkip kikkut qaqugulu unammisanerai paasinarseriarpat.