Assakaasut quasartorsiutit aqagu taarserneqassapput
Ukiut tamarluinnaasa maajip qaammataata aallartinnerani biilinik ajutoornerpassuit pisarput, ilaatigut assakaasut atorneqartut pissutigalugit. Taamaakkaluartoq assakaasut quasartorsiutit maajip aallaqqaataani aasarsiutinik taarserneqarnissaat inatsimmi aalajangiusimaneqartuarpoq. Inatsit malinngikkaanni akiliisitaanermik kinguneqartarpoq, aqqusinermimi isumannaallisaaneq pingaartinneqarpoq.
- Politiit ulluni makkunanerpiaq innuttaasunit saaffigineqartarput, atortorissaartutit pillugit nalunaarutip maajip aallaqqaataa aallarnerfigalugu assakaasunik quasartorsiutinik atueqqusineranik sanioqqutsinissamut immikkut akuerineqarnissamut periarfissaqarnersoq apeqqutigineqartarluni. Inatsimmi erseqqilluinnartumik allassimavoq, biilit piffissami maajip aallaqqaataanit septembarip 30-iata tungaanut quasartorsiutinik assakaasoqassanngitsut. Politiit Kalaallit Nunaanni qamutit ilusilersugaanerat atortorissaarusersugaanerilu pillugit nalunaarummi assakaasunik quasartorsiutinik atueqqusinnginneranit immikkut akuersissuteqarnissaminnut periarfissaqanngillat. Aqquserngilli maannakkorpiaq quasartuunerisa malitsigisaanik politiit ajutoortoqarneranut nukippassuarnik atuisariaqarnissaat naatsorsuutigineqartariaqarpoq, taamaammat assakaasunik quasartorsiutinik taarsersuisoqarnissaanut paasititsiniaanerit kingulliunneqartariaqartut, Illoqarfiit pingaarnersaanni politiit allaffissornikkut pisortarigallagaat Søren Bendtsen nassuiaavoq.