Assagiarsuit akii isumaqatigiissutaapput

Kalaallit Nunaanni Aalisartut Piniartullu Kattuffiat Royal Greenlandilu assagiarsuit akii pillugit nutaamik isumaqatigiissuteqarput.
juunip 11-at 2009 09:11

Assagiarsuit Sisimiuni tunineqartut tunngaviusumik akiat kilomut 10,50 koruuniussaaq, Paamiunilu tunineqartut kilomut 9,50 koruuniussalluni. Tunisat amerlassusaat naapertorlugit tapigineqartartoq 2003-mi isumaqatigiissutigineqartoq allanngortinneqassanngitsoq, illuatungeriit nalunaarput.

Assagiarsuit akii pillugit isumaqatigiissut juunip ulluisa 9-anniit atuutilerpoq, septembarimilu nalilerneqaqqissasoq nalunaarutigineqarpoq.