Angut australiamiu malugisimaangaatsiarluni assaannarminik eqalussuarmik pisaqarsimavoq.
Australiamiu, Phillip Kerkhof, vodkatungaatsiarsimalluni, Australiap kujasissortaani Louth Bay-imi aalisarujuulersimavoq. Eqalussuarujussuaq, kobberhaj, tassanngaanaq takuleriataarpaa.
- Mianersortunnguamik qanilliartorpara, tigoriataarlugulu. Aallaqaammut pikittorujussuuvoq keeriartaraluarlungalu, australiamiu nutaarsiassaqartitsivimmut Ritzauimut oqaluttuarpoq.
Eqalussuit taakku, kobberhajit, 3,5 meterimik takissuseqalersinnaapput 300 kiilumik oqimaatsigilersinnaallutik. Australiamiu sapiitsulioqisoq silattorami, taama sapiitsigisimanini tanngassimaarutigivallaanngilaa, oqamillunilu: ”Sianiitsorpallalaarsimavunga”!