Naak ippassaq Nuummi eqqartuussisivimmi Aslak Jensen pisuusutut eqqartuunneqaraluarluni politikeritut siunissaa suli nalorninarpoq Assiliisoq: Malik Brøns / KNR Assi: Malik Brøns / KNR

Aslak Jensenip politikimi siunissaa nalorninartoq: Ingerlateqqinnissaa eqqarsaatigaa

Unnerluussisup aamma illersuisup suliap ingerlateqqinnissaa eqqarsaatigaat. Taamalilluni Aslak Jensenip (S) siunissaa nalorninarpoq.

Ippassaq eqqartuussinermi maluginiarneqarluartumi aalajangiisoqarpoq.  

Tassami unnerluussaasutut issiavimmiippoq Inatsisartunut ilaasortaq, pisortani oqartussamik narrunarsaasimasutut unnerluussaasoq, 2017-imi Kommuneqarfik Sermersuumi isumaginninnermut siunnersortip inuuneranik sioorasaarnerata kingornatigut.

Unnerluussaasoq tassaavoq Aslak Jensen, siorna apriilimi Inatsisartunut qinersisoqarmat Siumumiit qinigassat taaguunneqarnerpaat ilagisaat. 

Eqqartuussiviup ilisimannittutut nassuiaanerit  tusareermagit Aslak Jensenimit aamma  Kommuneqarfik Sermersuumi isumaginninnermut siunnersortimit eqqartuussut nalunaarutigineqarpoq.

Sermersuup Eqqartuussiviata Aslak Jensen pisuutippaa eqqartuullugulu pinerluttulioqqissagaluaruni pineqaatissinneqarsimasunut inississarfimmiissasoq ulluni 20-ni.I går faldt afgørelsen i en bemærkelsesværdig retssag.

AAMMA ATUARUK Siumumi politikerip eqqartuussaanera: Pinerluuteqaqqissaguni ulluni 20-ni pineqaatissinneqarsimasunut inissiisarfimmiissasoq 

Eqqartuussisup tunngavilersuutaani ilatigut pingaartinneqarpoq pisortat suliffeqarfiini sulisut peqqissutsiminnut imaluunniit inuunerminnut aarlerinartorsiornatik suliaminnik ingerlatsisinnaasariaqartut.

Illersuisoq: Pinngitsuutitaanissaq anguniarpaa 

Eqqartuussutip nalunaarutigineqarnerata kingornatigut Aslak Jensenip eqqartuussut oqaaseqarfigiumanngilaa, kisianni illersuisua Finn Meinel oqarpoq allatut inerneqarnissaa neriuutigisimagaluarlugu.

- Pinngitsuutitaanissaq piumasarigaluarparput. Nassuiaatit imminnut nalequtinngitsut marluupput. Isumaqarpunga ilisimannittutut oqaaseqartup nassuiaataani ajornartorsiutaasinnaasunik peqartoq. Taamaattumik pinngitsuutitaanissaq neriuutigigaluarpara, tamannali angunngilarput, Finn Meinel eqqartuussutip nalunaarutiginerata kinguninngua oqarpoq.

AAMMA ATUARUK Siumumit politikeri eqqartuussivimmi: Toqutsinissamik siorasaaruteqarsimannginnerartoq 

Illersuisup Finn Meinelip aamma Aslak Jensenip massakkut eqqartuussummik ingerlatitseqqissanerlutik nalilissavaat.  

Unnerluussusisoq naammaginnisimaarpoq, kisianni eqqartuussutip inernerata ingerlateqqinnissaa isumaliutigaa  

Politiini unnerluussisussaatitaaneq Morten Nielsenip eqqartuussinermi unnerluussummi pisuutitsineq politiit siunniussaat soorunami naammagisimaarpaa,  at Aslak Jensenip isumaginninnermik siunnersorti inuuneranik qunusaarsimagaa.

- Malugaara eqqartuussiviup unnerluusutip oqaasertalernera, unnerluussisussaasut unnerluussinermut tunngavisaat, isumaqatigigaat. Tamanna naammagisimaarpara, Morten Nielsen oqarpoq.

Unnerluusisussatitaasoq unnerluussinermut isumaqatigineqaraluartoq eqqartuussiviup pineqaatissinneqarnissaq isumaqatiginngilaa. Unnerluussisut anguniarpaat ulluni 30-ni pinerloqqissaguni inissinneqasasoq, kisianni Sermersuup Eqqartuussiviata  Aslak Jensen annikinnerusumik eqqartuuppaa pinerloqqissaguni ulluni 20-ni inissinneqassasoq.

- Pineqaatissiissut eqaarsaatigalugu suliaq allatulaaq nalilerneqarpoq, angerlarlungalu isummerfigissavara, Morten Nielsen oqarpoq. 

Aslak Jensenip politikikkut siunissaa suli nalorninartoq 

Unnerluussisup aamma Aslak Jensenip tamarmik eqqartuusisut aalajangiinerat pillugu eqqarsarfissamik qinnuteqarmata suli nalorninarpoq suliaq Aslak Jensenip Inatsisartunut ilaasortaaneranut qanoq sunniuteqassanersoq.

Aatsaammi eqqartuussummik aalajangiisoqareerpat Inatsisartumut ilaasortat taasisinnaapput Aslak Jensenip Inatsiartuniinnissaminut ataqqinassuseqarnersoq pillugu.

Kent Fridberg, Inatsisartut Allattoqarfianni seniorrådgiveriusoq Sermitsiaq.ag-mut oqarpoq:

- Inatsisartunut ilaasortap inatsisinik unioqqutitsisimasutut eqqartuuneqaruni qinigaasinnaanini, taamalu Inatsisartuni inigisani, annaassavaa. Inatsisinik unioqqutitsineq aamma pissutsinik”nalinginnaasumik isiginiarneqarnermut inuup Inatsisartuni ilaasortaanissaanut ataqqinassuseqarunnartitsisut”-nik tunngaveqassaaq.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl