ASK-imi atuartut ajugaasut

Atuarfik Samuel Kleinschmidtimi 8. klassimi atuartut nunani avannarlerni arfinilinni meeqqat atuarfiini atuartunik unammisitsinermi ajugaapput

Unammisitsineq ateqartinneqarpoq Nordic Craft imaralugulu atuarfik atuartullu qanoq ineriartortinneqarsinnaanersut - ilaatigut atuartitsineq soqutiginarnerulersillugu.

Ilinniagassat eqqortumik suliarinerisa amerliartorneri tunngavigalugit pointit amerliartortinneqassapput. 

Atuartut amerlavallaartut atuartitsinerup pikkunaanneranik isumaqarnerat periaatsip taassuma allanngortissinnaavaa. Atuarfik Samuel Kleinschmidt-imi 8. klassimi atuartut marluk Nick Grønvold aamma Stevie Poulsen angalatitsisuallu unammisitsinermi nunanit avannarlernit arfinilinnit atuartunillu 500-nit peqataaffigineqartumut peqataasut taama isumaqarput.  

Ajugaassutertik " School Money"  London-imi saqqummiuppaat, ASKimilu atuartut taakku marluk angalaneranni ingerlatsisoq tulluusimaaqaaq.  

  -  Tulluusimaarpugut. Tassa pingasuinnannguulluta kalaalersaavugut. Aamma misigisaq immikkuullarippoq, aammalu atuarfeqarfiup iluani alloriaataalluni.

Magdaline Abelsen Kommuneqarfik Sermersuumi ilinniartitsinermut siunnersorti taama oqarpoq.

Ajugaaneq Kommuneqarfik Sermersuup atuarfeqarfianut nersorinninnertut isigaa.

Atuartut ajugaassutaat pisariitsuuvoq.

Suliassaq eqqortumik suliarigaanni pointinik naleqartassaaq. Pointit katersat amerlippata atuarnermut atortunik kantiinamiluunnit nerisassanik pisinissannut akissaqalissaatit, Magdaline Abelsen oqaluttuarpoq.

- Tassa taanna misissuinerit takutippaat; atuartut suliassatik isumaqarnerugaangata imminnullu tulluarnerugaangata tiguartinnerusartut, Magdaline Abelsen oqarpoq. 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat