Asilerisutut ilinniartut naammassisut

Tuttumik takunikuuit? Kalaallit meerartaat amerlasoorpassuit tuttunik takunikuunngillat.

Asilerisut tallimaasut, maannakkut Nuummiittut, asilerisut nunatsinni siullermeersumik ilinniartitaanerannik ingerlatsisoqarnerani peqataasut, tamanna allanngortikkusuppaat.

Nunatsinni asilerisut Nuummi pikkorissartinneqarnerat siullersaavoq, taakkulu sulisarnerat meeqqanut Nuummiittunut takutinneqartussanngorpoq.

Puisinik tuttunillu misissuineq, pinngortitamilu pinnguaatit, meeqqat Nuummi Nuussuup atuarfianeersut 60-it peqatigalugit sisamanngorpat ingerlanneqassaaq.

Asilerisut pikkorissarneqarnerat Danmarkimi avatangiisinut aqutsisoqarfimmit - Miljøstyrelse-mit - taperserneqarpoq. Asilerisut pikkorissarnerminni pinngortitalerinermi, avatangiisit pillugit kulturitsinnullu tunngassuteqartunik paasissutissiisarnermik periusaasartut ilaatigut ilinniarpaat.

Asilerisutut ilinniarnerminnik naammasseqqammersut nunatsinni kommunini tallimani naapinneqarsinnaapput: Nuummi, Sisimiuni, Ilulissani, Qaqortumi Upernavimmilu.