Assi: Camilla Hylleberg

Asiip Kunuullu mittarfik tallerusuppaat

Nuummi mittarfik tallineqassaaq. Tamassumunnga Kommuneqarfik Sermersooq Naalakkersuisullu isumaqatigiipput. Mittarfiup 1200 meterinut 1800 meterinulluunniit tallineqarnissaa apeqqutaaginnarpoq

Nuummi mittarfiup 1800 meterinut tallinissaa anguniarlugu kommuni nammineq aningaasarsiorsinnaalluni, borgmesteri siornatigut oqarpoq. Mittarfiilli Namminersorlutik oqartussanit suliassarivaat.

Tamanna Asii Chemnitz Narupip (IA) nalunngilaa. Taamaakkaluartoq pisoqartariaqartoq bormesteri oqarpoq.

- Nalunaarneruvoq, ima ilungersunartigisoq, ima pisariaqartitsineq annertutigisoq, iliuuseqartoqartariaqarmat. Taamaammat aamma piareersimasugut, uagut aningaasaleeqataanissamut imaluunniit akiliinissamut. Aningaasaleeqataarusussinnaasunik aamma ujarleqataarusuttugut, Asii Chemnitz Narup KNR-imut oqarpoq.

Aamma atuaruk 725 millionit ukiualunni mittarfeqarnissaq qulakkiissavaat

Aamma atuaruk Nuummi mittarfik Kommuneqarfik Sermersuumit pigineqarusuppoq

Pisariaqassappat mittarfik nammineq akilerniarlugu oqariartuut, Naalakkersuisunut Inatsisartunullu kimigiisernerunngitsoq, akerlianilli Nunatsinnut ersoqatigiinnermik takussutissaasoq, borgmesteri aamma oqarpoq.

 

Naalakkersuisup mittarfik tallijaarusuppaa

Naalakkersuisut mittarfinnut pilersaarutaat pillugit, Asii Chemnitz Narup aamma attaveqarnermut naalakkersuisoq, Knud Kristiansen (A) ataasinngormat ataatsimiipput.

Nuummi Ilulissanilu mittarfiit sukkanerpaamik tallineqarnissaat pingaaruteqartoq, Knud Kristiansen tassani oqarpoq, Naalakkersuisullu pilersaarutaat Inatsisartunit isumaqatigineqarnissaat ilimagalugu, aamma oqarluni.

Aamma atuaruk Borgmesterip mittarfik tallisikkusuppaa

Nuummili mittarfiup 1200 meterinut tallineqarnissaa, aningaasanut inatsimmi siunnerfigineqarpoq. Knud Kristiansenilli siornatigut oqaatigereerpaa, mittarfiup 1200 meterinik imaluunniit 1800 meterinik tallineqarnissaa, Inatsisartut qinersinnaassagaat.

 

Borgmesterip kissaataa

Mittarfiullu tallineqarnissaanut suliaq ungasinngitsumi aallartinneqassasoq, borgmesterip kissaatigaa.

- Uanga Inatsisartut ilunngarlunga massakkut kissaateqarfigerusuppakka, sapiissuseqarlutik kinguarsaanertaqanngitsumillu ukiaq manna aalajangeeqqullugit, Kommuneqarfik Sermersuumi borgmesteri, Asii Chemnitz Narup oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat