Asii Chemnitz NarupAssi: Jonas Fievé/KNR

Asiip eqqartuussivilersuussiniarnerup siunertaa taperseraa

Kommuneqarfik Sermersuumi borgmesterip Professorip aviisimi Sermitsiami isornartorsiuingaatsiarluni oqaaseqarsimanera pillugu eqqartuussivilersuutiginiarneqarnera eqqortuusoraa. Taamaakkaluartorli eqqartuussivilersuussiniarnerup taamaatiinnarneqarnera silatusaarnerusoraa. Kommuneqarfik Sermersooq tusagassiutinut taama allappoq.

Kommunimi atorfilittat tamanut ammasumik ajortumik saqqummiunneqarnertik nipaatsumik atussanngikkaat kommunip pisortaa isumaqarpoq, tamannalu Asii Chemnitz Narupip isumaqatigaa.

- Takusara naapertorlugu Lars Møller Sørensenip kommunimi sulisut tunngavissaqanngitsumik tamanut ammasumik isornartorsiorneqarnertik tunuunnartariaqanngimmassuk akisussaaffik tiguaa, borgmesteri taama oqaaseqarpoq.

AAMMA ATUARUK Professori Siorarsiorfik pillugu oqaaseqartoq Sermersuup eqqartuussivilersuukkaa

Iliuuseqarneq ajunngitsoq aaqqiissuteqarnerlunnerli

Naak RUC-mi professorip Ole Helby Petersenip aggustip qaammataani Sermitsiakkut isornartorsiuingaatsiarluni oqaaseqarnerata kingunerisaanik eqqartuussivilersuunniarneqarnera, borgmesterip paasisinnaagaluarlugu tamanna aaqqiissutissatut eqqortuusorinngilaa.

- Eqqartuussivilersuussiniarneq eqqortuunngilaq. Kommunip pisortaanera ullumikkut aamma taama isumaqarpoq, taamaammat eqqartuussivilersuussiniarneq tunuartipallanneqarpoq.

AAMMA ATUARUK Sermersooq trækker stævning af professor

Kommunalbestyrelsemi Siumut gruppiani siulittaasup, Peter Davidsenip borgmesteri sisamanngornermi paasissutisseeqquaa.

Borgmesterip  Asii Chemnitz Narupip taamatut kissaateqarnera paasisinnaanerarpaa tamannalu suliarineqaleruttornerarlugu, borgmesteri  tusagassiutinut nalunaaruteqarpoq.

AAMMA ATUARUK Kommunip pisortaanut tatiginninnera millivoq

KNR-ip Asii Chemnitz Narup Ole Helby Petersenip eqqartuussivilersuunniarneranut qanoq isumaqarneranik itisiliitinniaraluarpaa iluatsinnaguli.

Kommuneqarfik Sermersuup attaveqaqatigiinnermut pisortaa, Lars Damkjær naapertorlugu borgmesteri paasissutissiinissamut suliaq piareerpat aatsaat oqaaseqaqqinniarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat