Asii:10 mio. kr.-nit atorlugit sulisut pikkorinnerulissapput

Kommuneqarfik Sermersuup meeqqanut paaqqinnittarfiini meeraaqqerivinnilu sulisut sulisoriinnarnissaat ajornartorsiutaasoq, kommunip maanna nassuerutigaa. Tamannalu ilaagut pissutigalugu 10 millioner koruunit illuatinneqarput sulisut pikkorinnerulernissaat anguniarlugu

Allattoq Apollo Jeremiassen, Charlotte Holten-Møller

novembarip 15-at 2015 15:32

Taama pilersaaruteqarnermi kommunalbestyrelsep tamarmiusup isumaqatigiinnerisigut aningaasat 10 millioner koruunit illuartinneqarput taakku sulisut pikkorissartinneqarnissaannut 2018-ip tungaanut ingerlanneqartussamut atortussanngorlugit.

Meeqqerivinnaarnili sulisunut aningaasat taakku atorneqassanngitsut, borgmesteri Asii Chemnitz Narup oqarpoq.

- Kommunitsinni innuttaasut pitsaasumik sullinneqassappata uangutsinnut pingaartuuvoq, kommunimi sulisutta tamarmiusut innuttaasunik sullissinerisa pitsaanerulernissaat. Aamma siunertaraarput, kommunimi sulisut suliffimminni qaffasinnerusumik atorfeqarlersinnaanissat pikkorinnerulernissaallu, Asii Chemnitz narup oqarpoq.

Kommunillu immikkooertortaqarfiini pisortat pikkorissartinneqarnissaat siulliunneqassasoq borgmesterip aamma oqaatigalugu.

Aamma atuaruk VIDEO Kanukoka naleqqussarneqartussanngortoq

10 mio. kr.-nit atorlugit sulisut pikkorinnerulissapput

Naak kommunimi sulisut pikkorinnerulernissaannut atatillugu kommuni 10 millioner koruuninik aningaasaliigaluartoq, taamaattoq kommunimi paaqqinnittarfiit meeraaqqeriviillu aamma ikiorserniarneqarput.

- Taakkuni sulisut sulissiinnarnissaat ajornartorsiutaasoq nassuerutigisariaqarpara, Asii Chemnitz narup oqarpoq imalu nagilluni.

- Angerlarsimaffinni ikiortit pikkorissartinneqarneri pitsaasumik kinguneqarpoq. Taakku sullarinnerulerput nuannaarlutillu suliartortalerlutik. Taakkunanilu misilittakkavit paaqqinnittarfinni meeraaqqerivinnilu sulisutsinnut maanna ingerlateqqinniarpavut, Kommuneqarfik Sermersuup borgmesteria, Asii Chemnitz Narup naggasiivoq.

Aamma atuaruk Sermersooq nunaqarfinni aningaasaliiniartoq